Məxfilik Bildirişi
Panasonic ID Məxfilik Bildirişi
Panasonic müştərilərinin şəxsi məlumatlarının mühafizəsinə önəm verir, onların məxfilik və məlumatların mühafizəsi üzrə fundamental hüquqlarına hörmət naminə həmin məlumatlardan müvafiq qaydada istifadə edir.
Panasonic fərdi müştərilərin (məs, sizin kimi) öz şəxsi məlumatlarını etibar edərək onlara təqdim etməsi üçün etibarlı bir şirkət olmaq istəyir.
Bu Məxfilik Bildirişi rəsmi ofisi 1006, Oaza Kadoma, Kadoma-shi, Osaka 571-8501, ünvanında yerləşən Panasonic Holdings Corporation of Japan (birlikdə Panasonic Holdings, biz, bizə və ya bizim) tərəfindən təmin edilən xidmət olan müştəri hesabı (Panasonic ID) yaratdığınız və ondan istifadə etdiyiniz zaman tətbiq edilir.
Panasonic ID tərəfimizdən yaradılmış platformada (məs, bulud xidmətləri) Panasonic Group-un hər bir bölmə müəssisəsi tərəfindən hazırlanan bütün Panasonic Group xidmətlərinə (Panasonic Group Xidmətləri) daxil olmaq üçün istifadə edilir.
Bu Məxfilik Bildirişi Panasonic ID-dən istifadə etdiyinizdə tətbiq edilən Panasonic ID İstifadə Şərtlərini https://csapl.pcpf.panasonic.com/Agreement/ShowDocuments?DocId=pf00010001 təşkil edir.
Bu Məxfilik Bildirişində (1) bizə təqdim etdiyiniz və ya Panasonic Group Xidmətlərinə daxil olmaq üçün Panasonic ID-dən istifadəniz zamanı topladığımız məlumatları (Bu Məxfilik Bildirişində Şəxsi Məlumatlar adlandırılır, aşağıda ətraflı məlumat əlavə edilmişdir) necə və nə üçün istifadə etdiyimiz və (2) Şəxsi Məlumatlarınızın emalı ilə bağlı sahib olduğunuz hüquq və öhdəlikləriniz təsvir edilir.
Bu Məxfilik Bildirişi Məlumatların Mühafizəsi üzrə Ümumi Normativ (GDPR) də daxil olmaqla Məlumatların mühafizəsi üzrə Avropa qanunvericiliyinə uyğun formada tərtib edilmişdir.
Bu Məxfilik Bildirişini diqqətlə oxumağınız xahiş olunur.
Panasonic Holdings Avropa İqtisadi Zonasında (yəni, Avropa İttifaqı, İslandiya, Lixtenşteyn və Norveç) məlumatların mühafizəsi üzrə istənilən məsələ ilə bağlı Almaniyadakı müəssisəsi Panasonic Europe B.V. Zweigniederlassung Deutschland Wiesbaden Office tərəfindən təmsil olunur ki, həmin müəssisənin rəsmi ofisi Hagenauer Strasse 43, 65203 Wiesbaden Germany ünvanında yerləşir.
Bu Məxfilik Bildirişi aşağıdakılara tətbiq edilmir:
• faktiki Panasonic Group Xidmətlərindən istifadə edərkən yerinə yetirilən xüsusi məlumat emalı (yəni, Panasonic ID-niz və ya sosial media kimliyiniz vasitəsilə müvafiq Xidmətə daxil olduqda/qoşulduqda) – hər bir Xidmət üçün ayrıca məxfilik bildirişi əlçatan ediləcək;
• Panasonic Group Xidmətləri vasitəsilə əlçatan edilən üçüncü tərəf tətbiqlərinin topladığı və ya onlar vasitəsilə toplanılan məlumatlar; və ya
• Panasonic ID-niz ilə daxil olunmayan Panasonic Group Xidmətləri.
Bu Məxfilik Bildirişini vaxtaşırı dəyişə bilərik.
Bu sənədin axırında qeyd edilən Məlumatlar sonuncu dəfə yenilənib hissəsi bildirişin ən son yeniləndiyi vaxtı göstərir və dəyişiklik edilmiş Məxfilik Bildirişi barədə sizə məlumat verdikdən sonra dəyişikliklər qüvvəyə minir. Müvafiq qanunla tələb edildiyi halda bu cür dəyişikliklərlə bağlı razılığınızı alacağıq. Bütün dəyişikliklərdən xəbərdar olmağınızı təmin etmək üçün e-poçt ünvanınızı təmin etdiyiniz halda e-poçt ilə əlaqə saxlayaraq və/və ya bu səhifədə xəbərdarlıq yerləşdirərək sizə məlumat verəcəyik.
1. Şəxsi Məlumatlar dedikdə nə nəzərdə tutulur?
Bu Məxfilik Bildirişində Şəxsi Məlumatlar dedikdə fərdi (məsələn, sizi) şəxsi olaraq müəyyənləşdirən məlumatlar nəzərdə tutulur.
Sizi müəyyən edən məlumatlara adınız, ünvanınız, telefon nömrəniz, ödəmə məlumatlarınız, satın aldığınız xüsusi Panasonic məhsulunun/cihazının identifikasiya nömrəsi, məkan məlumatları, onlayn identifikator (məsələn, kukilər və IP ünvanınız) aid edilir. Ayrılıqda sizi müəyyənləşdirməyən, lakin sizinlə əlaqələndirdiyimiz məlumatlar da Şəxsi Məlumatlar hesab edilir.
2. Haqqınızda hansı Şəxsi Məlumatları toplayırıq?
A. Haqqınızda birbaşa təmin etdiyiniz Şəxsi Məlumatlar
Şəxsi Məlumatlarınızı təmin etmədən Panasonic Group Xidmətlərini bəzilərindən istifadə edə bilməyinizə baxmayaraq Panasonic ID-nizdən istifadə edərək daxil ola bildiyiniz Panasonic Group Xidmətləri Şəxsi Məlumatlarınızın toplanmasını və emalını tələb edir. Panasonic ID yaradıb-yaratmamağı və həmin məqsədlə Şəxsi Məlumatlarınızı təqdim edib-etməməyi seçə bilərsiniz, lakin bunu etməməyi seçsəniz, bütün Xidmətlərimizə daxil ola bilməzsiniz.
Panasonic ID ilə bağlı olaraq Şəxsi Məlumatlarınızı topladığımız məqamları aşağıda ətraflı şəkildə əks etdirmişik.
I. Panasonic ID yaratdığınız zaman
Xidmətlərdən və/və ya onların funksiyalarından istifadə etmək üçün Panasonic Group veb-saytında və ya tətbiqində Panasonic ID yaratdığınız zaman aşağıdakı Şəxsi Məlumat kateqoriyalarını təmin etməyinizi istəyirik:
• adınız və soyadınız;
• e-poçt ünvanınız;
• parolunuz;
• yaşadığınız ölkə;
• cinsiyyətiniz; və
• doğum tarixiniz (daxil olmaq üçün parolunuzu unutduğunuz halda identifikasiya məqsədilə bu verilənlərdən istifadə edirik)
II. Panasonic Group Xidmətlərindən birinə daxil olmaq üçün Panasonic ID istifadə etdiyiniz zaman
Sizdən Panasonic ID-nizdən istifadə edərək veb-sayta və ya Xidmətə daxil olmaq istəyərkən (i) e-poçt ünvanınızı və (ii) parolunuzu hər dəfə daxil etmək istəniləcək.
III. Panasonic Group ilə məhsul və ya cihazı qeydiyyatdan keçirdiyiniz zaman
Panasonic ID-dən istifadə edərək müəyyən xüsusiyyətlərdən (məhsul/cihaz zəmanəti) faydalanmaq üçün müvafiq məhsul və ya cihazı Panasonic Group ilə qeydiyyatdan keçirdikdə Panasonic Group satın aldığınız Panasonic məhsulu və ya cihazı barədə seriya nömrələri (və ya digər məhsul/cihaz identifikatoru) və satınalma tarixçəsi (Panasonic ID-nizin yaradılmasından sonra təmin edilən Şəxsi Məlumatlara əlavə olaraq) kimi məlumatları toplaya bilər.
IV. Panasonic Group ilə əlaqə saxladığınız zaman
GDPR qaydalarına əsasən hüquqlarınızdan istifadə etmək üçün bizimlə əlaqə saxlasanız və ya bu Məxfilik Bildirişi barəsində sorğu göndərmək istəsəniz, Panasonic ID-niz daxil olmaqla sizdən müəyyən əlavə məlumatlar təmin etməyinizi istəyə bilərik.
B. Panasonic Group Xidmətlərindən istifadəniz haqqında məlumatlar
Təmin etdiyiniz məlumatlardan əlavə, Panasonic ID ilə Panasonic Group Xidmətlərinə daxil olduğunuz zaman onlardan necə istifadə etməyiniz barədə məlumatları avtomatik olaraq toplayırıq. Məsələn, Xidmətlərdən istifadə etdiyiniz zaman sizdən IP ünvanı, unikal cihaz identifikatoru, cihaz konfiqurasiyaları və cihaz, Panasonic Group Xidmətlərindən istifadə məlumatları kimi müəyyən məlumatları avtomatik olaraq toplaya bilərik (lakin bu Xidmətlərdə etdiklərinizlə əlaqədar olaraq verilənləri toplamırıq).
Panasonic ID-dən istifadə edərək daxil olduğunuz Panasonic Group Xidmətlərinin hər biri ilə əlaqədar müvafiq məxfilik siyasətlərinə nəzər salmağınız xahiş olunur.
3. Şəxsi Məlumatları hansı hüquqi əsasla emal edirik?
Etibarlı qanuni əsasımız olmadıqda bizə Şəxsi Məlumatları emal etməyə icazə verilmir. Buna görə də, Şəxsi Məlumatlarınızı yalnız aşağıdakı hallarda emal edəcəyik:
I. Panasonic ID-nin İstifadə Şərtlərinə uyğun olaraq müqavilə üzrə öhdəliklərimizi yerinə yetirmək üçün emal zəruri olduqda;
II. qanuni və normativ öhdəliklərimizi yerinə yetirmək üçün emal zəruri olduqda;
və ya
III. qanuni maraqlarımız baxımından emal zəruri olduqda, sizin maraqlarınız və ya fundamental hüquq və azadlıqlarınız ilə üst-üstə düşən məqamlar istisnadır. Bu cür qanuni maraq nümunələrinə daxildir:
I. İT sistemləri, arxitektura və şəbəkələrin təhlükəsizliyini qorumaq;
II. korporativ və sosial məsuliyyət öhdəliklərini qarşılamaq.
4. Uşaqların Şəxsi Məlumatlarından necə istifadə edirik?
Bu Müddəanın ikinci paraqrafında göstərilən qaydada GDPR-in tətbiq olunduğu məqamlar istisna olmaqla
Panasonic ID yaratmaq üçün yaşınız 13 və ya daha çox olmalıdır. Valideyn və ya qəyyumun razılığı olmadan yaşı 13-dən az olan uşaqlardan (və ya onlar barəsində) Şəxsi Məlumatları bilərək toplamırıq. Buna baxmayaraq, valideyn və ya qəyyumun razılığı olmadan yaşı 13-dən az olan uşaqların Şəxsi Məlumatlarının bizə təqdim olunduğunu bilsək, həmin məlumatları silmək mümkün olarsa, ən qısa zamanda siləcəyik və əmin edirik ki, Şəxsi Məlumatlar hər hansısa məqsəd üçün istifadə edilmir və üçüncü tərəfə açıqlanmır.
GDPR tətbiq edildiyi məqamlarda:
Panasonic ID yaratmaq üçün yaşınız 16 və ya daha çox olmalıdır.
Valideyn və ya qəyyumun razılığı olmadan yaşı 16-dən az olan uşaqlardan (və ya onlar barəsində) Şəxsi Məlumatları bilərək toplamırıq.
Buna baxmayaraq, valideyn və ya qəyyumun razılığı olmadan yaşı 16-dən az olan uşaqların Şəxsi Məlumatlarının bizə təqdim olunduğunu bilsək, həmin məlumatları silmək mümkün olarsa, ən qısa zamanda siləcəyik və əmin edirik ki, Şəxsi Məlumatlar hər hansısa məqsəd üçün istifadə edilmir və üçüncü tərəfə açıqlanmır.
5. Şəxsi Məlumatlarınızı nəyə görə istifadə edirik?
Şəxsi Məlumatlarınızı aşağıdakı məqsədlərlə istifadə edəcəyik:
I. Hesabın yaradılması/Veb-saytımıza giriş – veb-saytlarımızda Panasonic ID hesabı yaratmaq və Panasonic ID-nizdən istifadə edərək bu cür veb-sayta daxil olmaq imkanı vermək üçün;
II. Panasonic Group Xidmətlərinin təmin olunması – Panasonic ID-niz vasitəsilə daxil olduğunuz Panasonic Group Xidmətləri təmin etmək və bizə Panasonic ID-dən İstifadə Şərtləri adlanan müqavilə üzrə öhdəliklərimizi yerinə yetirmək imkanı vermək üçün;
III. Məhsulların/cihazların qeydiyyatdan keçirilməsi – Panasonic ID ilə cihazlarınızı və ya məhsulları, Panasonic Group Xidmətlərinin hər hansı birini qeydiyyatdan keçirmək üçün;
IV. Kimliyin isbatı – Panasonic ID-niz ilə müvafiq Xidmətlərə daxil olduqda, o cümlədən üçüncü tərəf tətbiq və ya cihazları ilə əlaqədar Panasonic Group Xidmətlərindən istifadə etdikdə (məs, Amazon Alexa) kimliyinizi müəyyənləşdirmək üçün. Bu cür üçüncü tərəf tətbiq və ya cihazları ilə bağlı bəzi Panasonic Group cihazlarından faydalanmaq üçün Panasonic ID-niz ilə daxil olsanız, üçüncü tərəflərin müvafiq istifadə şərtləri və məxfilik bildirişləri tətbiq ediləcək və sizdən onları diqqətlə oxumağınızı xahiş edirik;
V. Statistika – Panasonic ID və əlaqədar Panasonic Group Xidmətlərindən istifadə haqqında anonim, toplu statistikalar yaratmaq üçün.
Bu anonimləşdirilmiş verilənlər üçüncü tərəflər ilə paylaşıla bilər;
VI. Müştəri Dəstəyi Xidmətləri – Panasonic ID və əlaqədar Panasonic Group Xidmətləri üçün müştəri dəstəyi xidmətləri təmin etmək və ya istədiyiniz digər dəstək sorğuları ilə məşğul olmaq üçün (məsələn, şikayətlərin idarə olunması);
VII. Təhlükəsizlik – müştərilərimizi qorumaq (məsələn, spam və Panasonic Group Xidməti istifadəçilərini aldatmağın qarşısını almaq üçün); Panasonic ID və əlaqədar Panasonic Group Xidmətlərinin təhlükəsizliyini təmin etmək və qoruyub saxlamaq (məsələn, sistem və ya şəbəkələrimizə edilən hücumların qarşısını almaq və ya onları dayandırmaq); və ya Panasonic Group-un hüquq və əmlakını qorumaq, o cümlədən Panasonic ID və əlaqədar Panasonic Group Xidmətlərindən istifadəni tənzimləyən İstifadə Şərtlərinin icrasını təmin etmək üçün;
VIII. Yeniləmələr – sizinlə əlaqə saxlamaq, o cümlədən Panasonic ID və ya bizimlə icra etdiyiniz əməliyyatlar ilə bağlı əlaqə saxlamaq, Panasonic ID ilə bağlı sizə vacib məlumatlar çatdırmaq; və bu Məxfilik Bildirişinin ən son versiyası ilə təmin etmək üçün; və
IX. Şəxsi Məlumatların Cəmləşdirilməsi – müvafiq qanun və normativlərlə icazə verilən maksimum həddə sizi daha yaxşı dəstək xidmətləri və daha fərdi məzmun ilə təmin etmək üçün sizdən birbaşa və ya digər Panasonic Filialları (aşağıda müəyyən edilmişdir) vasitəsilə topladığımız Şəxsi Məlumatları cəmləşdirmək üçün.
6. Şəxsi Məlumatlarınızı nə qədər saxlayırıq?
Şəxsi Məlumatlarınızı (A) bu Məxfilik Bildirişində qeyd edilən məqsədlər üçün Şəxsi Məlumatlarınızın toplanmasından sonra 5 ilə qədər və ya (B) Panasonic ID-dən istifadənizi ləğv etdikdən sonra bir ilə qədər (hansı daha uzun olarsa) saxlayacağıq.
Şəxsi Məlumatlarınız toplandığı məqsədə əsasən artıq tələb edilmədikdə və ya müvafiq qanunla tələb edildiyi zaman müvafiq qaydada silinəcəkdir.
7. Şəxsi Məlumatlarınızı kimə və harada açıqlayırıq?
A. Şəxsi Məlumatların üçüncü tərəf qəbulediciləri
Bu Məxfilik Bildirişində təsvir edilən məqsədləri yerinə yetirmək üçün Şəxsi Məlumatlarınızı buradakı 7 saylı Bölmədə siyahıya alınan üçüncü tərəflərə açıqlaya bilərik. Bu üçüncü tərəflərdən bizdən əldə edə biləcəkləri istənilən Şəxsi Məlumatın məxfiliyini təmin etmək üçün Məxfilik Bildirişimizə uyğun olaraq tədbirlər görməyi və onlardan bu məlumatlardan başqa məqsəd üçün istifadə etməmələrini tələb edirik.
Məlumatlarınızı aşağıdakı qaydada açıqlaya bilərik:
I. Panasonic Group Filialları ilə
Panasonic ID yarada bilməyiniz və ya Panasonic Group Xidmətlərinə/dəstəyinə daxil olmaq üçün Panasonic ID-nizdən istifadə edə bilməyiniz üçün Şəxsi Məlumatlarınızı digər Panasonic Group Filiallarına ötürməli ola bilərik. Bütün Panasonic Group Filiallarından bu Məxfilik Bildirişində qeyd edilən məxfiliklə əlaqədar qaydalara əməl etmələri tələb olunur.
Filial dedikdə birbaşa və ya dolayı yolla Panasonic Holdings tərəfindən idarə olunan korporativ müəssisə nəzərdə tutulur.
II. Xidmət Provayderləri ilə
Şəxsi Məlumatlarınızı üçüncü tərəf xidmət provayderləri ilə yalnız onlara adımızdan Panasonic ID ilə bağlı xidmətləri icra etmək imkanı vermək məqsədilə və təlimatlarımıza əməl edərək fəaliyyət göstərmələri şərtilə paylaşırıq.
Bu cür üçüncü tərəf xidmət provayderlərinə nümunələr:
• Panasonic ID ilə bağlı və ya Panasonic ID vasitəsilə daxil olduğunuz Xidmətlər ilə bağlı verilənləri saxlamaq üçün məlumatların saxlanılması xidmətlərini təmin edən xidmət provayderləri; və
• Panasonic ID və Panasonic ID vasitəsilə daxil olduğunuz Xidmətlər üçün texniki xidmət təmin edən xidmət provayderləri.
III. Qanunla tələb edildikdə və ya Panasonic Group Xidmətlərini qorumaq məqsədilə üçüncü tərəflər ilə
Şəxsi Məlumatlarınızı məhkəmənin əmri, Avropa İttifaqı və ya onun hər hansı Üzv Dövlətinin dövlət orqanı və ya səlahiyyətli tənzimləyici orqanına cavab olaraq Avropa İttifaqı və onun Üzv Dövlətləri tərəfindən tələb edilən qaydada açıqlayacağıq.
IV. Aİ-dan kənarda qanunla tələb edilən qaydada və ya Panasonic Group Xidmətlərini qorumaq üçün üçüncü tərəflər ilə
Şəxsi Məlumatlarınızı təsdiq edilmiş məhkəmə çağırışı, hökumətin tələbi və ya araşdırması və ya qanunla tələb edilən digər qaydada bütün müvafiq qanunlara tam uyğun şəkildə açıqlayacağıq (GDPR daxil olmaqla, lakin onunla məhdudlaşmadan).
V. Korporativ əməliyyatlar ilə bağlı digər tərəflər ilə
Biznesimiz inkişaf etdikcə korporativ aktivlərimizi sata, ala və ya ötürə bilərik.
Bu cür əməliyyatlar zamanı Şəxsi Məlumatlar daxil olmaqla müştəri məlumatları müvafiq qanunla yol verilən maksimum həddə ötürülən biznes aktivlərinə daxil edilə bilər. Həmçinin Panasonic ID, Panasonic Group Xidmətləri və ya aktivlərimizin xeyli hissəsi başqa şirkət tərəfindən əldə edildiyi zaman Şəxsi Məlumatlarınız da həmin şirkətə ötürülən aktivlərin içərisində olacaqdır.
VI. Şəxsi Məlumatlarınızı açıqlamağa razılaşdığınız üçüncü tərəflər ilə
Razılığınız və ya tələbiniz əsasında Şəxsi Məlumatlarınızı digər üçüncü tərəflərə də açıqlaya bilərik.
B. Şəxsi Məlumatların Beynəlxalq Səviyyədə Ötürülməsi
Sizdən topladığımız Şəxsi Məlumatlar regionunuzda saxlanıla və emal edilə və ya yaşadığınız yerdən kənara ötürülə, orada saxlanıla və ya başqa şəkildə emal edilə bilər, o cümlədən Avropa İqtisadi Zonasında (AİZ) yaşayan sakinlərin Şəxsi Məlumatları Yaponiya ilə məhdudlaşmayaraq AİZ-dan kənarda yerləşən ölkəyə və ya Avropa Komissiyası tərəfindən müəyyən edilən qaydada məlumatların qorunması üzrə adekvat səviyyə təmin edə bilməyən və Panasonic Holdings və ya filial və ya xidmət provayderləri müəssisələrimizi idarə etdiyi ölkəyə ötürülə, orada saxlanıla və ya başqa şəkildə emal edilə bilər. Şəxsi Məlumatlarınız, həmçinin AİZ-dan kənarda yerləşən heyət daxil olmaqla yaşadığınız ölkədən kənarda fəaliyyət göstərən və bizim və ya təchizatçılarımız və ya xidmət provayderlərimizdən biri üçün çalışan heyət tərəfindən də idarə oluna bilər.
Şəxsi Məlumatlarınızı AİZ-dan kənara ötürdükdə üçüncü tərəf xidmət provayderlərinin Şəxsi Məlumatlarınızı qorumaq üçün adekvat tədbirlər gördüklərindən əmin olmaq üçün müvafiq təhlükəsizlik tədbirlərinin icra edildiyini təmin edəcəyik. Panasonic ID-dən istifadəniz ilə əlaqədar Şəxsi Məlumatlarınızın emalı üçün Avropa Komissiyası tərəfindən təsdiq edilən Standart Müqavilə Müddəalarına daxil edilən müvafiq ötürülmə müqaviləsi təmin etmişik. Bu məsələ ilə bağlı əlavə məlumat tələb edə bilər və aşağıdakı 11-ci bölmədə göstərilən əlaqə məlumatı vasitəsilə müraciət göndərməklə müvafiq təhlükəsizlik tədbirlərinin surətini əldə edə bilərsiniz.
8. Şəxsi Məlumatlarınızın təhlükəsizliyini təmin etmək üçün nə edirik?
A. Ümumi
Panasonic ID və Panasonic ID-niz vasitəsilə daxil olunan Panasonic Group Xidmətləri ilə bağlı topladığımız Şəxsi Məlumatları qorumaq üçün Panasonic müvafiq texniki və təşkilati tədbirlər görürük. Bu tədbirlər zamanı nəzərə alınır:
I. son texnologiyanın vəziyyəti;
II. tətbiqetmə prosesinin xərcləri;
III. verilənlərin mahiyyəti; və
IV. emal riski.
Məqsəd təsadüfi və ya qeyri-qanuni destruksiya və ya dəyişdirilmə, təsadüfi itki, icazəsiz açıqlama və ya giriş imkanından və emal prosesinin digər qanunsuz formalarından qorumaqdır.
Lakin, nəzərə alın ki, Şəxsi Məlumatlarınızı qorumaq üçün müvafiq tədbirləri görməyimizə baxmayaraq, heç bir veb-sayt, məhsul, cihaz, onlayn tətbiq və ya verilənlərin ötürülməsi prosesi, kompüter sistemi və ya simsiz bağlantı tamamilə təhlükəsiz deyil, buna görə də Şəxsi Məlumatların təhlükəsizliyinə zəmanət verə bilmərik.
B.Saxlama prosesinin təhlükəsizliyi
Bizə təqdim etdiyiniz bütün Şəxsi Məlumatlar təhlükəsiz serverlərdə saxlanılır.
Panasonic ID-nizin parolunu məxfi saxlamaq məsuliyyəti daşıyırsınız və sizdən onu heç kəslə paylaşmamağı xahiş edirik.
C.Digər təhlükəsizlik tədbirləri
Məlumat təhlükəsizliyi, o cümlədən Şəxsi Məlumatların qorunması Məlumat Təhlükəsizliyi Menecmenti (ISM) adlanan qlobal Panasonic Proqramında təşkil edilir.
Əlaqədar plan, standart və tətbiqetmə tədbirləri qlobal səviyyədə keçərli hesab edilən siyasət, standart və təlimatlar əsasında tərtib edilir.
Panasonic ID-niz ilə məşğul olan İT sistemləri xaricdən qiymətləndirilir və ISO 27001 standartına uyğun təhlükəsizliyin idarəetmə qaydalarına əsaslanır.
Proqram bütün məlumatların (Şəxsi Məlumatlarınız daxil olmaqla) toplanmasından tutmuş destruksiyasına qədər bütün mərhələlərdə onların məxfiliyini, bütünlüyünü və əlçatanlığını qorumaq məqsədilə güclü illik PDCA (Planlaşdır-Et-Yoxla-Təsir et) üsuluna əsaslanır.
9.Üçüncü tərəf veb-saytları və tətbiqləri barədə
Panasonic ID-nizə daxil ola bildiyiniz veb-saytlara və Panasonic ID-niz ilə daxil ola bildiyiniz Xidmətlərə üçüncü tərəf veb-saytlara linklər və/və ya Panasonic Group tərəfindən idarə olunmayan tətbiqlər daxil ola bilər. Linki qoyulmuş sayt və tətbiqlər Panasonic Group-un nəzarəti altında deyil, buna görə də bu veb-sayt və ya tətbiqlərin məxfilik təcrübələri və ya məzmunu ilə bağlı məsuliyyət daşımırıq, sizi Şəxsi Məlumatlarınızı onlara təqdim etməzdən əvvəl bu tərtibatçılar tərəfindən təmin edilən məxfilik siyasətlərini diqqətlə oxumağa çağırırıq.
10.Kukilər və bənzər texnologiya
A.Kukilər nə deməkdir?
Panasonic Group Xidmətlərinin müəyyən hissələrində kukilər və digər texnologiyalardan istifadə edə bilərik. Kukilər veb-saytımıza daxil olarkən cihazınızda yerləşdirilən kiçik mətn fayllarıdır. Onlar kukini sərt diskə yerləşdirən veb server tərəfindən oxuna bilər. Kukilərdən parametrləri toplamaq, sizə daxil olmaqda kömək etmək və veb-saytımızda baxış təcrübənizi təhlil etmək üçün istifadə edə bilərik.
Nəzərinizdə olsun ki, kukilər sizə göndərilərkən xəbərdarlıq edilməsi üçün brauzerinizdə dəyişiklik edə bilərsiniz. Kukilər qəbul etmək istəməsəniz, brauzerinizdə müvafiq parametrləri aktivləşdirərək kukilərdən imtina edə bilərsiniz. Nəzərinizdə olsun ki, bütün kukilərdən imtina etsəniz, Xidmətlərin bəzi xüsusiyyətləri sizin üçün əlçatan olmaya və ya düzgün işləməyə bilər. Sonda, artıq göndərilmiş olan kukiləri silə də bilərsiniz.
B.Kukilər haqqında əlavə məlumat
Kukilər və Panasonic Holdings və digər üçüncü tərəflərin onlardan necə istifadə etməsi və kukilərin qeyri-aktiv edilmə qaydası haqqında ətraflı məlumat əldə etmək üçün Kuki Siyasəti bölməsinə baxın.
https://csapl.pcpf.panasonic.com/Agreement/ShowDocuments?DocId=pf00010003
11.Hüquqlarınız nələrdir və onlardan necə istifadə edə bilərsiniz?
A.Hüquqlarınız nələrdir?
Verilənlərin mühafizəsi üzrə müvafiq qanunlara uyğun olaraq, hüquqlarınıza əsasən Şəxsi Məlumatlarınızı toplaya, saxlaya və emal edə bilərik.
GDPR-a əsasən sahib olduğunuz hüquqlara Şəxsi Məlumatlarınızın nüsxəsinə daxil olmaq hüququ, qeyri-dəqiq Şəxsi Məlumatların düzəldilməsi və ya yenilənməsini tələb etmək hüququ və GDPR-da təyin edilmiş şərtlər əsasında Şəxsi Məlumatlarınızın emalına etiraz etmək hüququ daxildir.
Sizin, həmçinin Şəxsi Məlumatlarınızın silinməsini tələb etmək hüququnuz, Şəxsi Məlumatlarınızın emalına razılıq verdiyiniz zaman isə istənilən vaxt bu razılığı geri götürmək hüququnuz vardır (bu cür geri götürmədən əvvəl həmin geri götürmə prosesi emalın qanuniliyinə təsir etməməlidir).
Bundan əlavə, müəyyən hallarda məlumatların daşınması ilə bağlı hüquqlarınız da var.
Bu, bizə təmin etdiyiniz Şəxsi Məlumatların strukturlu, tez-tez istifadə olunan və maşın tərəfindən oxunan formatda geri qaytarılmasını və texniki baxımdan mümkün olduqda, tərəfimizdən maneə olmadıqda və sizin öz məxfilik öhdəliklərinizə uyğun olduqda bu cür Şəxsi Məlumatların üçüncü tərəfə ötürülməsini tələb etmək hüququdur.
B.Hüquqlarınızdan istifadə
Yuxarıdakı hüquqlarınızdan hər hansı birindən istifadə etmək istəsəniz, aşağıdakı əlaqə məlumatından istifadə edərək bizimlə əlaqə saxlayın;
Panasonic ID əlaqə məlumatı
https://csapl.pcpf.panasonic.com/Inquiry/Inquiry001
Verilənlərin mühafizəsi üzrə müvafiq qanunlarla daha uzun müddətə icazə verilmədiyi halda sorğunuzu lazımsız gecikmə olmadan və sorğunun qəbulundan sonra bir aydan gec olmamaqla cavablandıracağıq.
C.Şikayətlər
Şəxsi Məlumatlarınızı emal etməyimizdən məmnun qalmasanız, yuxarıda qeyd edilən hüquqlarınızdan əlavə, səlahiyyətli nəzarət orqanı vasitəsilə şikayət irəli sürə bilərsiniz.
Verilənlərin son yenilənmə tarixi: Aprel 2022